ვებინარი: ტექნოლოგიების გავლენის კრიტიკული ასახვა განათლებაზე

 2025 წლის 31ივლისს, თიმსის პლატფორმაზე ჩატარდა ვებინარი თემაზე: 

 ტექნოლოგიების გავლენის კრიტიკული ასახვა განათლებაზე

💬 ვებინარის სამუშაო ენა: ინგლისური

🔁 უზრუნველყოფილი იქნება ქართული თარგმანი

💡 სპიკერი: ცელესტინუ მაგალიაეში 

📌 ასისტენტ-პროფესორი, პიაჟეს ინსტიტუტი (პორტუგალია)

📌 ჰიბრიდული სწავლების სამაგისტრო პროგრამის კოორდინატორი

📌 დოქტორანტი საგანმანათლებლო ტექნოლოგიების მიმართულებით

📌 მკვლევარი მინიოს უნივერსიტეტსა და INSIGHT კვლევით ცენტრში

📌 ავტორი ციფრული კეთილდღეობის, AI-ს, VR-ის, gamification-ის, flipped learning-ისა და საგანმანათლებლო რობოტიკის თემებზე! 

📚 ვებინარში გაჟღერდა ინსპირაციული ხედვები, ბოლო კვლევების მიმოხილვა და რეალური პრაქტიკული მიდგომები 

ვებინარი: ციფრული რევოლუცია საქართველოში

 2025 წლის 24 ივლისს,  თიმსის პლატფორმაზე ჩატარდა ვებინარი : 

"ქუთაისში რაღაც უცნაური ხდება"...

📌 თემა:  „რეროს“ ციფრული რევოლუცია საქართველოში: თამაშთა ინდუსტრიისა და გაძლიერებული რეალობის ტექნოლოგიის პრეცედენტები

🎙 სპიკერი: ბექა იობიძე

კომპიუტერული ინჟინერი

“რეროს” მმართველი პარტნიორი

აუდიო/ვიზუალური დეველოპერი

აკადემიური გამომცემლობა „მდევარის“ რედაქტორი

საბუნებისმეტყველო ფილოსოფიის მკვლევარი და ლექტორი

🌍 ვებინარზე საუბარი იყო შემდეგ საკითხებზე:

▪️ როგორ იქმნება თამაშები, რომლებიც თანამედროვე ქართული კულტურის მატარებელია

▪️ როგორ გამოიყენება AR ტექნოლოგიები ახალი თაობებისთვის შთაგონებად

▪️ როგორ ხდება ქართული ინდუსტრიის გლობალურ კონკურენციაში ჩართვა

▪️ რა გზით შეიძლება ხელოვნებამ, ტექნოლოგიამ და განათლებამ ერთად შექმნას მომავალი

🚀 ქართულ თამაშთა ინდუსტრიის ისტორიული მომენტი:

“რეროს” მიერ შექმნილი თამაში „ოდისეა: საქუთაისო“

🇬🇪 პირველი ქართული თამაში, რომელიც CEEGA 2024-ის ფინალისტი იყო — ნომინაციაში „საუკეთესო სატელეფონო თამაში“ ევროპაში!

ახლა კი მოიგო კიდევ ერთი პრესტიჟული ნომინაცია – BLON 2025-ის Aware Games Awards-ის ლაურეატია!

🏆 დაჯილდოება გაიმართება 11 სექტემბერს, ლიტვაში — კიდევ ერთი მნიშვნელოვანი ევროპული აღიარება ქართული თამაშის წარმატებისთვის! 🇬🇪✨

🎮 სამი ნაწილი, სამი მხატვრული სტილი, სამი მუსიკალური ენა — ერთი უნიკალური გამოცდილება ქუთაისის ისტორიაზე და ემოციურ მოგზაურობაზე

📲 განხილულ იქნა შემდეგი აპლიკაციები:

App Store: https://rb.gy/lhtw7t 

Play Store: https://rb.gy/w9kcyd 

✨ თვალთმატკბობელი ხელოვნებით სახეების გადასაბადრად, „ჩიორა“ უნდა ითამაშო

💫 ეს არის ნაზად მოქსოვილი ვიზუალური პოეზია, რომელიც ავთენტური ფოლკლორის თანამედროვე ინტერპრეტაციას გვთავაზობს

📲 ჩიორა ხელმისაწვდომია:

Google Play Store: https://rb.gy/eopn2 

App Store: https://rb.gy/8zqug 

ვებინარი: Business x AI: რეალური ხედვები

 

2025 წლის 15 ივლისს , იმსის პლატფორმაზე ჩატარდა ვებინარი თემაზე:

Business x AI: რეალური ხედვები (Business x AI: Real Insights) , რომელიც შეეხებოდა ხელოვნური ინტელექტის გამოყენების პრაქტიკულ ასპექტებს ბიზნესისა და ორგანიზაციული ტრანსფორმაციის ჭრილში.

🌍 გლობალური ხედვები, ქეისები და გამოცდილება, რომელიც მიღებულია ნიუ-იორკისა და ლონდონის AI სამიტებზე, სადაც მონაწილეობდნენ მსოფლიოს წამყვანი ტექნოლოგიური კომპანიები.

💡 ვებინარზე განხილულ იქნა:

• კონკრეტული Use Case-ები — Nvidia, IBM, JP Morgan და სხვა ლიდერების მაგალითებზე
•  რა არის დღეს მთავარი ტრენდები ხელოვნურ ინტელექტში, საერთაშორისო ტენდენციები და სტრატეგიული მიმართულებები
• როგორ იყენებენ AI-ს გლობალური კომპანიები ოპერაციებში, პროდუქტებში და სტრატეგიებში
• რატომ არის AI არა მხოლოდ ტექნოლოგია, არამედ ციფრული ტრანსფორმაციის ძრავა

📌შეხვედრაზე მუკა ალავიძემ გაგვიზიარა პირადი გამოცდილება, რომელიც მან მიიღო ლონდონისა და ამერიკის წამყვან AI სამიტებზე

🔎 მან ისაუბრა, რას ამბობენ გიგანტი ტექნოლოგიური კომპანიები AI-ზე, როგორ ხედავენ მის განვითარებას და როგორ ნერგავენ ყოველდღიურ საქმიანობაში

🎙️ სპიკერი: მუკა ალავიძე

📌 პროექტების მენეჯერი — თიბისი ბანკი

📌 ლექტორი — თიბისი ბიზნეს აკადემია (Technology and Digital Transformation)

📌 ლექტორი — BTU (Technology Entrepreneurship)

ვებინარი: სწავლების თანამედროვე მეთოდები და სტრატეგიები

2025 წლის 14 ივლისს, თიმსის პლატფორმაზე ჩატარდა ვებინარი, რომელსაც უძღვებოდა საერთაშორისო მსოფლიო დონის ტრენერი — Alastair Grant! 🎤

ალასტერი მასწავლებელთა გამოცდილი-საერთაშორისო  ტრენერია, რომელიც ხელმძღვანელობს Cambridge Delta დიპლომურ პროგრამებს International House-ის ქსელში, ასევე მუშაობს ბუენოს აირესის განათლების სამინისტროში და არის არაერთი ინოვაციური პროექტის ავტორი, მათ შორის Together for Ukraine.

🎯 ვებინარზე განხილულ იქნა თემები, როგორიცაა:

🔹 ინკლუზიური სწავლების სტრატეგიები

🔹 თანამედროვე საკლასო მენეჯმენტი

🔹 მოტივაციის ახალი გზები

🔹 კრიტიკული აზროვნების როლი სწავლების პროცესში

🔹 განათლების მეცნიერება — კრიტიკული ხედვით

შეხვერდა: „ინტელექტი პასუხისმგებლობით – AI საზოგადოებაში“

მსოფლიოში ხელოვნური ინტელექტის დღე აღინიშნება 16 ივლისს,  ამ თემაზე პროფესიული და საზოგადოებრივი დიალოგი დაიწყო 30 ივნისს!

2025 წლის 30 ივნისს,  Microsoft Teams-ის პლატფორმაზე ჩატარდა შეხვერდა:  „ინტელექტი პასუხისმგებლობით – AI საზოგადოებაში“

დისკუსია  მიეძღვნა იმ სისტემურ ცვლილებებს, რასაც AI იწვევს სამართალში, განათლებაში, კიბერუსაფრთხოებასა და ენების განვითარებაში.

🎙 სპიკერები და თემები:

🔹 ზვიად გაბისონია – სამართლის დოქტორი, განათლების AI-ექსპერტი

„AI-ის სახელმწიფო რეგულირების ტენდენციები და საქართველო“

🔹 რატი სხირტლაძე – კავკასიის უნივერსიტეტის AI პროგრამის ხელმძღვანელი

„მწირრესურსიანი ენები და მათი გამოწვევები“

🔹 მაქსიმ იავჩი – კიბერუსაფრთხოების პროფესორი

„ხელოვნური ინტელექტის კიბერუსაფრთხოება“

🔹 სანდრო ასათიანი – GeoLab / UniLab დამფუძნებელი, განათლების ექსპერტი

„ხელოვნური ინტელექტი განათლებაში“

🔹 გიგი გიორგაძე – AI ასოციაციის დამფუძნებელი/თავმჯდომარე

„AI ტექწარმოება საქართველოში“

👩‍💼 მოდერატორი: თეა მეფარიშვილი – ააიპ „საგანმანათლებლო ტექნოლოგიის“ დამფუძნებელი

🎯 თითოეულ თემას მოჰყვა პანელური დისკუსია.

ტრენინგი "ეკონომიკის სწავლება საგან მოქალაქეობაში"

2025 წლის 8 ივნისს, ბათუმის შოთა რუსთაველის  სახელმწიფო უნივერსიტეტში ჩატარდა გამომცემლობა ,,სიდი“-სა და  ,,გლობალური ეკონომიკური განათლების ალიანსის” (აშშ) მიერ ორგანიზებული ტრენინგი "ეკონომიკის სწავლება საგან მოქალაქეობაში", რომელიც მხარდაჭერილი იყო საქართველოს განათლებისა და მეცნიერების სამინისტროსა და ბათუმის შოთა რუსთაველის  სახელმწიფო უნივერსიტეტის მიერ. 

ტრენინგის სპიკერები: გლობალური ეკონომიკური განათლების ალიანსის (აშშ) ხელმძღვანელი და კოლორადოს უნივერსიტეტის პროფესორი, ჯონ ბროკი; ტეხასის, კოლორადოსა და სხვა ამერიკული უნივერსიტეტების პროფესორები; აშშ ეკონომიკური განათლებისა და განვითარების ცენტრის (NCEE) ტრენერები - ენ ტეპოვიჩი , ქორი ჰუელსკამპი , დონნა მაქიაჩერა , ლორი დუმერერი,  მაჯულა გურუ ,დევიდ ლონგი.

ტრენინგის განრიგი

ღია კარის დღე ლიცეუმში

2025 წლის 5 ივნისს,  ლიცეუმში ტრადიციულად ჩატარდა ღია კარის დღე, რომელშიც აქტიურად იყო ჩართული საბუნებისმეტყველო მეცნიერებათა კათედრა- წარმოდგენილი იყო ქიმიური შოუ , ფიზიკისა და ბიოლოგიის ექსპერიმენტები.

2025 წლის 10 მაისს თიმსის პლატფორმაზე ჩატარდა ვებინარი თემაზე: "კიბერუსაფრთხოების თანამედროვე გამოწვევები და ინოვაციები"

ვებინარზე მაქსიმ იავიჩმა  ისაუბრა  კიბერუსაფრთხოების აქტუალურ თემებზე: 

• კიბერუსაფრთხოების ძირითადი მიმართულებები
• თანამედროვე დაცვის მოდელებსა და პრაქტიკებზე

განხილულ იქნა პრაქტიკული სავარჯიშოები, რომლებიც დაგვეხმარება ცოდნის გამოყენებაში.

ვებინარზე გაჟღერდა სასწავლო სუპერინსტრუმენტი! 🚨🎯📚

პროფესორ მაქსიმ იავიჩის ინიციატივით, ვებინარის ფარგლებში განხილული და გამოყენებული იყო Google-ის კიბერუსაფრთხოების საგანმანათლებლო პლატფორმა –  👉 phishingquiz.withgoogle.com   🎓🔒

განსაკუთრებული ყურადღება დაეთმო  - პოსტ-კვანტურ ციფრულ ხელმოწერას, რომელიც განკუთვნილია კვანტურ კომპიუტერებთან დაკავშირებული რისკების აღმოსაფხვრელად.

.

🗣️ სპიკერი: პროფესორი მაქსიმ იავიჩი – მათემატიკის დოქტორი და კომპიუტერული მეცნიერებების პროფესორი. ის არის კავკასიის უნივერსიტეტის კიბერუსაფრთხოების მიმართულების ხელმძღვანელი და კიბერუსაფრთხოების ცენტრის დირექტორი. ასევე, 2017 წლიდან არის სამეცნიერო კიბერუსაფრთხოების ასოციაციის (SCSA) პრეზიდენტი. პროფესორი იავიჩი აქტიურად მონაწილეობს საერთაშორისო კონფერენციებში და არის მრავალი სამეცნიერო ნაშრომის ავტორი, რომელთა თემატიკა მოიცავს კიბერუსაფრთხოებას, კრიპტოგრაფიას, პოსტ-კვანტურ კრიპტოგრაფიას და მათემატიკურ მოდელირებას.

მასტერკლასი თემაზე : „მოსწავლეთა მხარდაჭერა სკოლაში“

2025 წლის 5 მაისს SEU-ში საქართველოს ეროვნული უნივერსიტეტისა და საქართველოს ახალგაზრდული აკადემიის ორგანიზებით ჩატარდა მასტერკლასი თემაზე -„მოსწავლეთა მხარდაჭერა სკოლაში“, რომელსაც გაუძღვა განათლების პოლიტიკისა და მართვის სპეციალისტი, საქართველოს ეროვნული უნივერსიტეტი SEU-ს მოწვეული ლექტორი - ირინა აბულაძე.

🔸 მასტერკლასი განკუთვნილი იყო ზოგადსაგანმანათლებლო სკოლების დირექტორებისა და ადმინისტრაციული პერსონალისთვის.

👉მასტერკლასზე განიხილა შემდეგი საკითხები:

🔹მოსწავლეთა მხარდაჭერის სტანდარტის შინაარსი და ძირითადი კომპონენტები;

🔹სტანდარტის გამოკვეთის მნიშვნელობა ავტორიზაციის პროცესში;

🔹არსებული პრაქტიკა და გამოწვევები მისი დანერგვისას;

🔹ეფექტური და შედეგზე ორიენტირებული დანერგვის გზები.

ვებინარი: „ხელოვნური ინტელექტის ქართული მოდელის სავალ გზებზე“

2025 წლის 3 მაისს თიმსის პლატფორმაზე ჩატარდა ვებინარი:

„ხელოვნური ინტელექტის ქართული მოდელის სავალ გზებზე“

სპიკერი: ზაქარია ფურცხვანიძე – ენათმეცნიერი, ქართული AI-ის მკვლევარი

ვებინარი — „ხალხის წვლილი AI-ის განვითარებაში“

2025 წლის 16 აპრილს თიმსის პლატფორმაზე ჩატარდა  ვებინარი — „ხალხის წვლილი AI-ის განვითარებაში“

სპიკერი: რაზმიკ ბადალიანი – ადამიანი, რომელიც ქართული ენის ციფრულ განვითარებას ყოველდღიურად აძლიერებს!

Educare Georgia-ს თანადამფუძნებელი, კამპანიის „ილაპარაკე საქართველოსთვის“ ერთ-ერთი ლიდერი

ვებინარზე იყო საუბარი:

 🔹 როგორ შეუძლია ნებისმიერ ადამიანს შეიტანოს წვლილი ხელოვნური ინტელექტის განვითარებაში

🔹 როგორ შეგვიძლია ქართულ ენას ვაჩუქოთ ძლიერი და ციფრული მომავალი 💬🌍

🔹 გავეცანით Common Voice პლატფორმას — როგორც პრაქტიკულ და საგანმანათლებლო რესურსს 🎧📚

🔹 გავიზიარეთ წარმატებული გამოცდილება ჩვენი საავტორო სასკოლო პროექტიდან —

„ვასწავლოთ ხელოვნურ ინტელექტს ქართული“ 

ექსკურსია გურიის მხარეში

2025 წლის 15 აპრილს II სასწავლო კურსის IV სასწავლო ჯგუფი იმყოფებოდა ექსკურსიაზე გურიაში.

კადეტებმა დაათვალიერეს ნოდარ-დუმბაძის სახლ-მუზეუმი, შეკვეთილში მდებარე საქართველო მინიატურებში და მუსიკოსთა პარკი, ასევე დენდროლოგიური პარკი.

ექსკურსია სადამრიგებლო პროგრამის ფარგლებში II სასწავლო კურსის IV სასწავლო ჯგუფის დამრიგებლის ეკა მურუსიძის მიერ განხორციელდა.

კადეტთა სამხედრო ლიცეუმში შექმნილია გრძელვადიანი სადამრიგებლო პროგრამები, რომლის ფარგლებშიც ხორციელდება როგორც გასვლითი აქტივობები, ასევე სხვადასხვა შემეცნებით-კულტურული ღონისძიებები.

ვებინარი : „ხელოვნური ინტელექტის ნამდვილი ამბავი და ილაპარაკე საქართველოსთვის“

2025 წლის 12 აპრილს, თიმსის პლატფორმაზე დედაენის დღესთან დაკავშირებული კვირეულის ფარგლებში ჩატარდა ვებინარი თემაზე: „ხელოვნური ინტელექტის ნამდვილი ამბავი და ილაპარაკე საქართველოსთვის“.

ღონისძიება ჩატარდა ინტერაქციულ ფორმატში და წარიმართა გიგი გიორგაძის საქართველის ხელოვნური ინტელექტის ასოციაციის დამფულის/თავმჯდომარის მიერ. 

ვებინარის მსვლელობისას დეტალურად იქნა განიხილული:

🔹 ხელოვნური ინტელექტის ქრონოლოგიური ისტორია და მისი ძირითადი ეტაპები

🔹 თანამედროვე შესაძლებლობები და გამოყენების სფეროები (განათლება, ჯანდაცვა, ბიზნესი, მედია)

🔹 ეთიკური და კულტურული გამოწვევები, მათ შორის ქართული ენისა და იდენტობის შენარჩუნების პერსპექტივა

🔹 მონაწილეთა პრაქტიკული გამოცდილებები, რეალურ პროფესიულ კონტექსტში

🔹 საქართველოს ხელოვნური ინტელექტის ასოციაციის საქმიანობის ძირითადი მიმართულებები და მომავალი გეგმები, მათ შორის, ქართული ენის გაძლიერების ინიციატივები AI-ს სისტემებში

სპიკერი: გიგი გიორგაძე – კომაროვის საზაფხულო სკოლის დამაარსებელი, London Business School-ის სტიპენდიატი, Georgian AI Association-ის დამფუძნებელი/თავმჯდომარე

გასვლითი გაკვეთილი

2025 წლის 3 აპრილს, საბუნებისმეტყველო საგნების კვირეული - 2025 ფარგლებში ლიცეუმის ქიმიკოსთა და ბიოლოგთა კლუბის კადეტები იმყოფებოდნენ აკაკი წერეთლის სახელობის სახელმწიფო უნივერსიტეტის სამედიცინო და ქიმიის ფაკულტეტზე. 

ხელმძღვანელები: ეკა მურუსიძე, ნესტან ბანცაძე და დარეჯან კიკვაძე. 

გასვლითი გაკვეთილის თემა: "ექიმის მოსვლამდე" და "სახალისო ქიმიური ექსპერიმენტები."

მედიცინის ფაკულტეტის დეკანმა, პროფესორმა გიორგი გაბუნიამ კადეტებს წაუკითხა ლექცია სამხედრო კონფლიქტების დროს პირველადი სამედიცინო დახმარებისა და საველე პირობებში საბაზისო ქირურგიული ღონისძიებების ხასიათის შესახებ. კადეტებმა დასვეს და პასუხი მიიღეს ბევრ საინტერესო კითხვაზე.

საბუნებისმეტყველო საგნების კვირეული - 2025

კადეტთა სამხედრო ლიცეუმში საბუნებისმეტყველო საგნების კვირეულის ფარგლებში განხორციელებული პროექტების პრეზენტაცია გაიმართა.

დასაწყისში საბუნებისმეტყველო კათედრის თავმჯდომარემ ეკა მურუსიძემ კვირეულის ფარგლებში განხორციელებულ და დაგეგმილ პროექტებზე ისაუბრა. ყურადღება გაამახვილა კვირეულის მნიშვნელობასა და კადეტთა ჩართულობის საკითხებზე. მოგვიანებით კი, საუკეთესო ქიმიკოსთა ჯგუფის გამოსავლენად, II სასწავლო კურსის ჯგუფებს შორის კონკურს -„ქიმიური ვიქტორინა“ გაიმართა. კონკურსის შედეგად საუკეთესო ქიმიკოსთა ჯგუფის ტიტული მოიპოვა II სასწავლო კურსის IV სასწავლო ჯგუფისაგან დაკომპლექტებულმა გუნდმა - „ოფსიდიანი“ (დამრიგებელი ეკა მურუსიძე, ინსტრუქტორი უფროსი სერჟანტი მიხეილ ჭკუასელი).

დღესვე, ქიმიის კლუბში გაწევრიანებულმა კადეტებმა ენერგეტიკული და იზოტოპური სასმელების შესახებ წარმოადგინეს პრეზენტაციები, ხოლო ფიზიკის კლუბში გაწევრიანებულმა კადეტებმა გრძელვადიანი პროექტის-„ტალღური მოვლენები“ შესახებ ისაუბრეს.

პროექტს ხელმძღვანელობდნენ მასწავლებლები ეკა მურუსიძე, ნესტან ბანცაძე და თეა ქუთათელაძე.

საბუნებისმეტყველო საგნების კვირეული - 2025

საბუნებისმეტყველო საგნების კვირეულის ფარგლებში II სასწავლო კურსის კადეტებმა წარმოადგინეს პროექტი: „ჩვენი უკიდეგანო სამყარო“.

პროექტის პრეზენტაციას ლიცეუმის დირექტორი პოლკოვნიკი მალხაზ გოლეთიანი, დირექციის წარმომადგენლები, სამხედრო მოსამსახურეები და II სასწავლო კურსის კადეტები ესწრებოდნენ.

კადეტებმა საინტერესოდ წარმოადგინეს მოძიებული და დამუშავებული ინფორმაცია პლანეტებისა და კოსმიური სივრცის კვლევის შესახებ.

პროექტს ხელმძღვანელობდა ფიზიკის მასწავლებელი ნინო ახვლედიანი.

ინტეგრირებული გაკვეთილი

2025 წლის 1 აპრილს, საბუნებისმეტყველო საგნების კვირეული - 2025 ფარგლებში XI-4  სასწავლო ჯგუფში ჩატარდა ინტეგრირებული გაკვეთილი ქიმია- ინგლისური ენა.

გაკვეთილის თემა:  ატომის აღნაგობა. პერიოდული სისტემა.

"განათლების მომავალი "ენაგრამი" პრაქტიკაში"

 2025 წლის 26 მარტს თიმსის პლატფორმაზე ჩატარდა ვებინარი თემაზე:  "განათლების მომავალი "ენაგრამი" პრაქტიკაში."

ვებინარი "ხელოვნური ინტელექტის მარეგულირებელი კანონმდებლობა"

2025 მწლის 23 მარტს ჩატარდა ვებინარი: "ხელოვნური ინტელექტის მარეგულირებელი კანონმდებლობა".

 ვებინარის სპიკერი: ზვიად გაბისონია

BTU-ს პროფესორი, საჯარო და კერძო სამართლის ექსპერტი, ხელოვნური ინტელექტის მარეგულირებელი კანონმდებლობის მიმართულებით მენტორი, და ევროკავშირის ღია მეცნიერების (EOSC) მემორანდუმის აღმასრულებელი საბჭოს თავმჯდომარე

რატომ არის საჭიროა მარეგულირებელი კანონმდებლობა?

🔹 რისკები და გამოწვევები

• პირადი მონაცემების დაცვა
• დისკრიმინაციის საფრთხეები (ალგორითმული მიკერძოება)
• დასაქმებაზე გავლენა
• კიბერუსაფრთხოება და ეთიკა

🔹 ხელოვნური ინტელექტის გავლენა სხვადასხვა სექტორზე:

• ჯანდაცვა
• ფინანსები
• სამართალი
• განათლება

არსებული მარეგულირებელი ჩარჩოები

🔹 ევროკავშირის AI აქტი – მთავარი

მექანიზმები და მოთხოვნები

🔹 აშშ-ის მიდგომა – სახელმწიფო და კერძო სექტორის რეგულაციები

🔹 საქართველოს და სხვა ქვეყნების კანონმდებლობა – ამჟამინდელი სტატუსი და პერსპექტივები

🔹 გლობალური სტანდარტები და ეთიკური პრინციპები – OECD, UNESCO, ISO

ხელოვნური ინტელექტის მარეგულირებელი კანონმდებლობის ძირითადი ასპექტები

🔹 AI-სკლასიფიკაცია და რისკების მართვა 🔹 პასუხისმგებლობის ჩარჩო და გამჭვირვალობა 🔹 პირადი მონაცემების დაცვა და GDPR 🔹 ავტონომიური სისტემები და გადაწყვეტილების მიღება 🔹 ზოგადი ეთიკური პრინციპები და AI-ს მართვის მოდელები

მასტერკლასი: თანამედროვე ტექნოლოგიები და ციფრული სამყაროს როლი მეცნიერებაში

2025 წლის 22 მარტს, 18:00 საათზე, უცხოეთში მცხოვრები ქართველი მეცნიერებმა, რომლებიც მსოფლიოს წამყვან კვლევით ცენტრებში და საგანმანათლებლო ინსტიტუტებში მუშაობენ, ჩაატარენ STEM მასტერკლასი ონლაინ ფორმატში.

თემა:“თანამედროვე ტექნოლოგიები და ციფრული სამყაროს როლი მეცნიერებაში.”

პროექტი ხორციელდება პლატფორმა “სფიჩი”-ს https://speech.ge/ და გერმანიაში მოქმედი დიასპორული ორგანიზაცია “კავკასიადა”-ს ორგანიზებით.

პროექტი სრულად ხორციელდება გერმანიის საერთაშორისო თანამშრომლობის საზოგადოების (GIZ) მხარდაჭერით.

ხელოვნური ინტელექტი და მისი ქართულისთვის მოდელირების გზები

პროექტი „ცერნის კვლევები და მისი გლობალური მნიშვნელობა“

 2025 წლის 19 მარტს  კადეტთა სამხედრო ლიცეუმში შედგა პროექტის „ცერნის კვლევები და მისი გლობალური მნიშვნელობა“ პრეზენტაცია.

პროექტი, რომელშიც II და III სასწავლო კურსის კადეტები იყვნენ ჩართულნი, სამი საგნის: ფიზიკა, ქიმია და გეოგრაფია ინტეგრირებით განხორციელდა. კადეტებმა მოიძიეს და წარმოადგინეს საინტერესო პრეზენტაციები ცერნის კვლევებსა და ამ კვლევების მნიშვნელობაზე.

პროექტს ხელმძღვანელობდნენ მასწავლებლები: ეკა მურუსიძე, თეა ქუთათელაძე და ბესიკ მაჩიტაძე.

პრეზენტაცია

შეხვედრა „ენაგრამის ენობრივი ხელსაწყოების გამოყენება პრაქტიკაში“

 2025 წლის 13 მარტს პლატფორმა Zoom-ზე ჩატარდა შეხვედრა „ენაგრამის ენობრივი ხელსაწყოების გამოყენება პრაქტიკაში“

ჩამტარებელი ორგანიზაცია: ენაგრამი • Enagram и ენაგრამი - ენობრივი ხელსაწყოების პლატფორმა

სპიკერები: ენაგრამის დამფუძნებელი რატი სხირტლაძე და ტექნიკური დირექტორი ლევან ლაშაური 

🔹 ენაგრამის ენობრივი ხელსაწყოების მნიშვნელობა და შესაძლებლობები

🔹 მათი ეფექტურად გამოყენების გზები სხვადასხვა სფეროში

🔹 ხელსაწყოების გამოყენების სწავლა და ინტეგრირება სხვადასხვა პლატფორმაზე

ვებინარი ”.com-დან საქართველომდე – ქართული იდენტობის გაფართოება ქსელში”

2025 წლის 9 მარტს პლატფორმა Teams-ზე ჩატარდა ვებინარი თემაზე ”.com-დან საქართველომდე – ქართული იდენტობის გაფართოება ქსელში”

ქართული ანბანის ციფრული გამოღვიძება

ვებინარის ძირითადი თემები: 

• ICANN-ის როლი და ტოპ-დომენების მნიშვნელობა: როგორ ხდება გლობალური დომენების მართვა? 

• ქართული სკრიპტით დომენების შესაძლებლობები: რას შეცვლის ახალი რეგულაციები? 

• .საქართველო როგორც ციფრული იდენტობა: როგორ გამოვიყენოთ ეს შესაძლებლობა ბრენდინგისთვის, ბიზნესისთვის და კულტურული მემკვიდრეობის შესანარჩუნებლად? 

• ტექნიკური და ენობრივი გამოწვევები: რას სჭირდება ყურადღება ქართული დომენების დანერგვის პროცესში?

სპიკერის შესახებ: ზაქარია ფურცხვანიძე არის ენათმეცნიერი, რომლის კვლევის მიმართულებები მოიცავს ხელოვნურ ინტელექტს, ციფრულ ჰუმანიტარიას და კორპუსულ ლინგვისტიკას. ის მუშაობს ენობრივი მონაცემების დამუშავებაზე, ტექსტურ ანალიზზე და ენის ტექნოლოგიების განვითარებაზე. ზაქარია არის ფრანკფურტის ინსტიტუტის „Art of Language“ ერთ-ერთი დამფუძნებელი, რომელიც ენის სწავლების, ლინგვისტიკური კვლევებისა და ციფრული ტექნოლოგიების ინტეგრაციას ემსახურება. 

მოდერატორი: თეა მეფარიშვილი – ციფრული კომუნიკაციების ექსპერტი და ლინგვისტიკის სპეციალისტი, რომელიც წლების განმავლობაში მუშაობს ენის ტექნოლოგიების განვითარებაზე საქართველოში. 

პრეზენტაცია

ენაგრამის ენობრივი ხელსაწყოების გამოყენება პრაქტიკაში

2025 წლის 6 მარტს პლატფორმა Zoom-ზე ჩატარდა შეხვედრა „ენაგრამის ენობრივი ხელსაწყოების გამოყენება პრაქტიკაში“

ჩამტარებელი ორგანიზაცია: ენაგრამი • Enagram и ენაგრამი - ენობრივი ხელსაწყოების პლატფორმა

✅ როგორ გამოვიყენო ენაგრამი

✅ როგორ დამეხმარება ყოველდღიურ საქმიანობაში

✅ როგორ დავზოგო დრო და ენერგია ენაგრამის ხელსაწყოების გამოყენებით

შეხვედრა ჩაატარა ენაგრამის ტექნიკურმა დირექტორმა, ლევან ლაშაურმა, რომელმაც გაგვაცნო ტექნიკური დეტალები, უპასუხა დამსწრეთა შეკითხვებს, რომლებიც დაგვეხმარება თითოეული ხელსაწყოს გამოყენების სწავლასა და ინტეგრირებაში.

ვებინარი "ხელოვნური ინტელექტი და მისი შესაძლებლობები"

2025 წლის 28 თებერვალს, Zoom-ის პლატფორმაზე ჩატარდა ვებინარი  "ხელოვნური ინტელექტი და მისი შესაძლებლობები" , სადაც განხილულ იქნა ენობრივი AI ინსტრუმენტების მნიშვნელობა, მათი ეფექტურად გამოყენების გზები სხვადასხვა მიმართულებაში და ქართული ხელოვნური ინტელექტის პლატფორმის, ენაგრამის, როლი მწირრესურსიანი ენების გაციფრულებისა და შენარჩუნებისათვის.

 ენაგრამის დამფუძნებელმა, რატი სხრიტლაძემ ისაუბრა შემდეგ თემებზე:

 ხელოვნური ინტელექტის როლი ქართული ენის გაციფრულებასა და მწირრესურსიანი ენების გადარჩენაში;

 ქართული ხელოვნურ ინტელექტზე დაფუძნებული ენობრივი ხელსაწყოების პლატფორმა - enagram.ai და მისი გამოყენების შესაძლებლობები სხვადასხვა დარგში.

რატი სხირტლაძე - მონაცემთა ანალიზის ლაბორატორიის დამფუძნებელი/ აღმასრულებელი დირექტორი და ასევე, ენის მოდელირების ასოციაციის დამფუძნებელი და გამგეობის თავჯდომარე 2006 წლიდან. მას აქვს სხვადასხვა სფეროში მრავალწლიანი გამოცდილება: საერთაშორისო სატელეკომუნიკაციო კავშირის მონაცემთა და სტატისტიკის დეპარტამენტის უფროსი; გაეროს Big Data Global Working Group-ის მობილური ტელეფონების მონაცემების სამუშაო ჯგუფის თავმჯდომარე; კომუნიკაციების კომისიის ბაზრის ანალიზისა და სტრატეგიული განვითარების დეპარტამენტის უფროსი; ი. ჯავახიშვილის სახელობის თბილისის სახელმწიფო უნივერსიტეტის მექანიკა-მათემატიკის ფაკულტეტის ასოცირებული პროფესორი; საქართველოს საფონდო ბირჟის IT დეპარტამენტის უფროსი და ა.შ.